কেন্সাৰ আৰু হৃদৰোগৰ ৰোগী সকলৰ চিকিৎসাৰ খৰচৰ পৰিমাণ কমোৱাৰ লক্ষ্যৰে, স্বাস্থ্য আৰু পৰিয়াল কল্যাণ মন্ত্ৰণালয়ে, চিকিৎসা (অমৃত) কাৰ্য্যক্ৰম অনুসৰি সশ্ৰয়ী মূল্যৰ ঔষধ আৰু প্ৰত্যাৰোপণ কাৰ্য্যসূচীৰ আৰম্ভ কৰে। কাৰ্য্যক্ৰমৰ অংশ হিছাবে, খুচুৰা বিক্ৰয় কেন্দ্ৰ সমূহে কেন্সাৰ আৰু হৃদৰোগৰ ৰোগী সকলৰ কাৰণে অতিশয় ৰেহাই মূল্যত ঔষধ বিক্ৰী কৰিব। এই প্ৰক্ৰিয়াত, অসমৰ ছয় খন চিকিৎসা মহাবিদ্যালয়ত অমৃত ফাৰ্মাচি প্ৰতিষ্ঠাৰ লগে লগে অসম চৰকাৰে অমৃত কাৰ্য্যক্ৰমৰ আৰম্ভণি কৰে। সেই সমূহ হৈছে গুৱাহাটী চিকিৎসা মহাবিদ্যালয় চিকিৎসালয়, অসম চিকিৎসা মহাবিদ্যালয় চিকিৎসালয় ডিব্ৰুগড়, শিলচৰ চিকিৎসা মহাবিদ্যালয় চিকিৎসালয়, যোৰহাট চিকিৎসা মহাবিদ্যালয় চিকিৎসালয়, তেজপুৰ চিকিৎসা মহাবিদ্যালয় চিকিৎসালয় আৰু এফ এ এ চিকিৎসা মহাবিদ্যালয় চিকিৎসালয়, বৰপেটা। কেন্সাৰৰ কাৰণে গুৰুত্বপূৰ্ণ ঔষধ, হৃদৰোগ আৰু প্ৰত্যাৰোপণৰ ঔষধ যি সমূহ বহুত বেছি ব্যয় বহুল সেইসমূহ ৰেহাই মূল্যত পোৱা যায়। অসম চৰকাৰে অমৃত ফাৰ্মাচি সমূহত ৫০ৰ পৰা ৭০ শতাংশ ৰেহাই মূল্যত প্ৰয়োজনীয় ঔষধ প্ৰদান কৰিবৰ কাৰণে এইচ এল এল লাইফকেয়াৰ লিমিটেডৰ লগত এখন এম ও ইউ স্বাক্ষৰ কৰে। যদি সফল হয়, চৰকাৰে পৰিকল্পনা কৰিছে জিলাৰ চিকিৎসালয় সমূহত অমৃত ফাৰ্মাচি প্ৰতিষ্ঠা কৰিবলৈ।
